“There is no more noble occupation in the world than to assist another human being to help someone succeed.” ~ Alan Loy McGinnis Ons operasionele been bied 'n ondersteuningsfunksie aan al ons bedieninge. Hierdie span vorm die kern van ons daaglikse infrastruktuur funksionering en bestaan uit die volgende afdelings:

Fasiliteite:
Die Fasiliteite-span hoop om koste-effektief operasionele- en fasiliteiteondersteuning in elke faset van die verwante behoeftes aan Mosaïekbedieninge te gee. Met die hulp van verskeie medewerkers kon die fasiliteite-span voortdurend operasionele doelwitte bereik deur advies van kenners in gebiede soos geboue-instandhouding, IT-ondersteuning, die tuine ens. ’n Hoogtepunt in 2011 was die verhouding wat daar ontwikkel het met die Suid-Afrikaanse Nasionale Bloeddiens. Vier geleenthede deur die jaar is geïdentifiseer waar die Bloeddiens, na oggenddienste, fasiliteite beskikbaar gestel het aan donateurs om bloed te skenk. Verder het ’n effektiewe, gestandaardiseerde manier van taakimplimentering binne die span bygedra tot ’n hoë standaard van ondersteuning in al Mosaïek se bedieninge, asook eksterne kliënte.
 
Voedseldienste
 Coriander Caterers dien as voedseldiensverskaffer aan Mosaïek, en bied voedseldienste aan Mosaïek tydens Sondag-byeenkomste, vergaderings deur die week, bedieningsbehoeftes en ook aan eksterne kliënte wat van DJ Lifestyle gebruik maak. Natasha Johnson van Coriander sou na Kanada verhuis het, en gevolglik is die rol van voedseldiensverskaffer aan Red Dot Caterers toegeken deur ’n oop tender-proses wat aan ’n dienstermyn gekoppel was. Toe Coriander se planne verander het, is die geskiedenis en bestaande goeie verhouding in ag geneem, en is daar ’n hernieude kontrak met die verskaffer onderteken.
 
DJ Lifestyle
DJ Lifestyle t/a Mosaïek Lifestyle is eerstens daar om fasiliteite en lokale beskikbaar te stel en te koördineer om bedieninge so effektief moontlik te dien en te ondersteun in hulle rol, om hulle in staat te stel om te fokus op bediening. As rentmeesters is dit ons verantwoordelikheid om die hulpbronne (fasiliteite, lokale en spyseniering) na die beste van ons vermoë effektief te bestuur en beskikbaar te stel aan die gemeenskap rondom Mosaïek. Sodoende lei die gevolglike kostedelging tot die opheffing van bedieninge, asook die gemeenskap waarin die gemeente homself bevind. Eksterne gebeure wat deur Lifestyle gefasiliteer en koördineer word sluit onder meer in konserte, troues, konferensies, bekendstellings, vierings, privaat-dope en privaat-begrafnisse. Betroubare prosesse is in plek gestel om te verseker dat daar aan alle toepaslike wetgewing voldoen word, om te verseker dat alle gebeurtenisse ’n sukses is en aan bediening en eksterne kliënte se verwagtinge voldoen word. Vir elke funksie in die Mosaïek Teatro val die volgende koördinering en organisering onder DJ Lifestyle. Spesifieke goedkeuring word ten opsigte hiervan by Johannesburg Department of Health and Safety ingedien: Sekuriteit, parkering, en verkeersvloei word deur Dowry Consulting Services hanteer, saam met DJ Lifestyle se eie VOC (venue operating centre), Gesertifiseerde Mediese Personeel word beskikbaar gestel, indien nodig. Bystand van die Johannesburgse Metro Polisie (JMPD), indien nodig. ’n Amptelike aansoek vir die funksie word aan EMS voorgehou. Om die gemeenskap van en rondom Mosaïek te dien, is een van die grootste doelwitte. Om hierdie rede word Mosaïek se fasiliteite en lokale beskikbaar gestel vir gemeenskapsgebeure teen laer of geen koste. Gemeenskapsaktiwiteite wat op hierdie wyse ondersteun word is opleidings-, godsdienstige-, welsyns-, stads- en ander nie-winsgewende organisasies. Gemeenskapsgebeure gedurende 2011 het onder meer die volgende ingesluit: Fairland SAPS, Randburg SAPS, Campus Harvest en Laerskool Fairland.
 
Ondersteuningsdienste
Ondersteuningsdienste is daarvoor verantwoordelik om te verseker dat daar te alle tye aan relevante aspekte van die  Arbeidswetgewing voldoen word. Die bediening ondersteun ook ander bedieningsleiers en werknemers in konflik en dissiplinêre aangeleenthede. Ondersteuningsdienste verleen ook stelsels en ondersteuning aan bedieningsleiers met betrekking tot werknemersprestasiebestuur. Verantwoordelikhede sluit ook in die effektiewe bestuur van menslike hulpbronne;  personeelaanstellings – saam met bedieningsleiers; ontwikkeling en opleiding en werksevaluasie en vergoeding. In 2011 is talle poste se posbeskrywings herbesoek. Nuwe en huidige policies and prodecures is aangepas en in plek gesit. Daar word gepoog om voortdurend die proses te verbeter en daarom is daar ook ’n intranet geskep waar alle noodsaaklike menslike hulpbron-verwante dokumente te alle tye beskikbaar is vir personeellede.
Die herstruktureringsproses wat in die jaar ondergaan is, is grootliks deur die Die finansiële span is daar om Mosaïek en sy bedieninge te ondersteun om hulle finansies te beplan en bestuur. Ons bediening is daar om al Mosaïek se bedieninge te bedien. Mosaïek se finansiële span kan optimaal funksioneer met behulp van toegewyde en passievolle mense wat die
 
 Potential Coach
Die diens wat deur Potential Coaching vervul word, behels die deurlopende uitdaging om beter selfbestuur en selfkennis, en die aanwending daarvan binne die werksomgewing en in span- en individuele funksionering. Deur die aanvullende gebruik van die Clifton Strengthsfinder- en DISC Persoonlikheidsprofiel-instrumente word daar merkbare resultate gesien in werkstevredenheid en werksprestasie. Hierdie diens word ook uitgebrei om medewerkers en medewerker-spanne, en elemente daarvan maak deel uit van die voorhuwelikse-kursus en ander egpaar-verwante omgewings.

Om die gemeenskap te dien

Mosaïek het in Maart 2004 die fasiliteite in Daniellestraat, Fairland in gebruik geneem en was opgewonde oor die kerk se hervestiging vanuit Weslaan, Randburg. Daar is uitgesien na die geleentheid om in die nuwe woonbuurt, en nader aan die Wesrand, ’n sinvolle bydrae te lewer in die gemeenskap waarin die gemeente homself bevind het.

Deel van die inisiatiewe wat aangepak is om ’n bydraende inwoner van Fairland te wees het oor die laaste ses jaar ontwikkel tot gereelde besoeke en bekende gesigte: soos die plaaslike SAPS wat gereeld van die fasiliteite van die kerk gebruik maak. Die laaste hiervan was ’n Vrouedag-viering waar daar, in samewerking met spanne uit die kerk, ’n spesiale dag saamgestel is om die kosbare vroue in hierdie beroep te dien; of organisasies wat hulle bemoei met VIGS-opvoeding of werkswinkels vir die versorging van weggegooide baba’s of mishandelde kinders. Die bloedbank het gereeld kom inloer met inisiatiewe waar hulle kwartaalliks ’n bloedskenkingsfasiliteit kom bied het, tot aksies vir die bewusmaking onder die gemeenskap van die belangrikheid van bloedskenking. Skole in die gemeenskap gebruik ons fasiliteite vir prysuitdelings en konserte, en ander kerks, wie se fasiliteite dalk nie soveel ruimte toelaat nie, het ook al in die Teatro kerkgangers uit hulle geledere genooi om hier te vergader. Bogenoemde maak deel uit van die sowat 15% van die gebruik van ons fasiliteite – in lyn met die kerk se doelwit om die gemeenskap te dien.

Soos enige inwoner van enige dorpsgebied streef die kerk daarna om ’n goeie buurman te wees, en waarde toe te voeg tot die omgewing waarin hulle hulself bevind. Berading, mediese sorg, terapie en ’n toeganglike kerkruimte vir stilword is maar net ’n paar van die dienste wat deurlopend beskikbaar is vir mense wat hulleself in nood bevind, met gereelde verwysing deur die plaaslike polisiestasie van persone wat hulle dink baat sou vind by hierdie inisiatiewe.

“Ons sit baie in om ons goeie verhouding met ons bure in stand te hou, en was verras om deur die media in kennis gestel te word oor hierdie besware,” meld Tiaan Willemse, navigasieleier van Mosaïek. “Deur middel van pro-aktiewe kommunikasie en die hantering van terugvoer op navrae, is ons steeds ten volle verbind tot die instandhouding van goeie verhoudings met ons bure. Tans is die verhouding met die meenthuis-komplekse se korporatiewe liggame in die omgewing van so ’n aard dat van hulle hul groot vergaderings gratis op die Mosaïek-perseel hou,” noem hy verder. Hy meld ook dat versoeke en besorgdhede van die bure hoofsaaklik rondom slegs ‘n paar faktore gedraai het, wat altyd so spoedig moontlik ondersoek is met terugvoering aan belanghebbendes.

Volgens die inligting wat deur raadgewers en spesialiste ontvang is, is alle nodige prosedures nagevolg soos deur hulle geadviseer en die nodige toestemming is verkry. Verder was daar ook kennisgewingborde aangebring om bure te verwittig en hulle is betrek en in ag geneem by die beplanning van die perseel se geboue. Mosaïek het tydens die bou van die perseel voldoen aan alle bouregulasies, en deur die loop van die kerk se bestaan steeds moeite gedoen om te verseker dat dit in plek bly.

Om die verkeersvloei te vergemaklik is Daniellestraat deur die kerk verbreed, met ’n spesiale middelmannetjie en inglipbaan-aanpassings uit Davidsonstraat, asook ’n addisionele uitgangsroete wat deur die kerk geskep is. Tydens kerkbyeenkomste, wanneer daar druk verkeer verwag word, word verkeerspuntsmanne op 14de-laan gereël asook iemand om persone wat uit ’n naburige meenthuis-kompleks wil kom voorkeur te bied.

Waar nodig, word die plaaslike owerheid se goedkeuring vir geleenthede op die perseel verkry. Vir dié geleenthede word daar ook ekstra personeel aangestel vir sekuriteit, risikobeheer en verkeersbeheer. Die plaaslike owerheid inspekteer ook gereeld alle fasette van ons fasiliteite.

Op die klank-front het die kerk ook reeds ’n hele aantal aksies geneem. “Met die konstruksie-beplanning van die fasiliteit is ’n vooraanstaande akoestiese- en teaterontwerp-spesialis, wat op daardie stadium een van die toonaangewendste en mees gerespekteerde name in die arena was, gekontrakteer met die konstruksie-ontwerp, en inagneming van enige moontlike voorsienbare ontwrigtingsfaktore.”

Verder het die kerk op ’n klanktoestel besluit wat klank-energie baie akuraat op die gehoor fokus, met die minimum klank wat ontsnap na areas waar ons dit nie wil hê nie. Alle ingange na die Teatro is met dubbeldeure toegerus, om ’n klank-slot te skep. ’n Spesiale klank-ondersoek is ook van stapel gestuur in 2006 deur ’n onafhanklike, akoestiese ingenieursfirma en al hulle voorstelle is geïmplementeer.

“Ons poog van harte om ’n goeie inwoner van Fairland te wees en ons ondersoek deurlopend inisiatiewe om dit te bewerkstellig,” sluit Willemse af.

Mosaïek nooi steeds hulle bure uit om met hulle te gesels oor enige aangeleenthede en beskou dit steeds ’n voorreg om die gemeenskap van Fairland en die Wesrand te dien. Mosaïek kan gekontak word op 011 268 4700 of raadpleeg www.mosaiek.com .

/end
 

Navrae oor artikel:
Madalene van Zyl
mvanzyl@mosaiek.com
011 268 4767 

Maak gebruik van hierdie vorm om jou persoonlike inligting op ons datastelsel aan te pas of deur te gee.